sabaq kitab ka pakka nahin kiya maine

sabaq kitāb kā pakkā nahīñ kiyā maiñ ne

abhī samajhnā hai jīvan kā falsafa maiñ ne

bujhā.ī pyaas nahīñ bas nahā liyā maiñ ne

liyā hai kaam samundar se dūsrā maiñ ne

bhalā vo āñkhoñ se ġham kā patā lagā.egā kyā

pahan liyā hai ye chashma jo dhuup kā maiñ ne

huā hai ġhair qabīle kī ik hasīñ se ishq

abhī to karnā hai mushkil kā sāmnā maiñ ne

kisī mazār pe minnat se us ko paayā hai

ki ek dhāge se khīñchā hai dā.era maiñ ne

misāleñ dete the ustād maiñ samajhtā na thā

phir us ke kahne se samjhā thā zāviya maiñ ne

nishast hai nahīñ kah kar ka.ī baseñ chhoḌīñ

tujhe bachāne meñ kitnoñ ko kho diyā maiñ ne

sabaq kitab ka pakka nahin kiya main ne

abhi samajhna hai jiwan ka falsafa main ne

bujhai pyas nahin bas naha liya main ne

liya hai kaam samundar se dusra main ne

bhala wo aankhon se gham ka pata lagaega kya

pahan liya hai ye chashma jo dhup ka main ne

hua hai ghair qabile ki ek hasin se ishq

abhi to karna hai mushkil ka samna main ne

kisi mazar pe minnat se us ko paya hai

ki ek dhage se khincha hai daera main ne

misalen dete the ustad main samajhta na tha

phir us ke kahne se samjha tha zawiya main ne

nishast hai nahin kah kar kai basen chhoDin

tujhe bachane mein kitnon ko kho diya main ne