sabhi ke dil mein koi Dar biTha ke rakkha hai

sabhī ke dil meñ koī Dar biThā ke rakkhā hai

hameñ nizām ne itnā Darā ke rakkhā hai

kahāñ kā vote yahāñ note-rāj hai bhayyā

aur is ne ḳhuub sabhī ko nachā ke rakkhā hai

'ajīb log ho tum amn chāhte ho agar

to is pe kyoñ ye tamāshā uThā ke rakkhā hai

mire 'alāva tirā koī ġham-gusār nahīñ

isī liye tujhe dil se lagā ke rakkhā hai

tū hī batā ki kahāñ jaa.eñ ab vo log tire

vo jin ko zindagī tū ne thakā ke rakkhā hai

ḳhabar thī mujh ko tū aane meñ der kar degā

so tere vāste dil ko bachā ke rakkhā hai

sabhi ke dil mein koi Dar biTha ke rakkha hai

hamein nizam ne itna Dara ke rakkha hai

kahan ka wote yahan note-raj hai bhayya

aur is ne KHub sabhi ko nacha ke rakkha hai

'ajib log ho tum amn chahte ho agar

to is pe kyon ye tamasha uTha ke rakkha hai

mere 'alawa tera koi gham-gusar nahin

isi liye tujhe dil se laga ke rakkha hai

tu hi bata ki kahan jaen ab wo log tere

wo jin ko zindagi tu ne thaka ke rakkha hai

KHabar thi mujh ko tu aane mein der kar dega

so tere waste dil ko bacha ke rakkha hai