sabhi ko KHwab dikhlae gae hain

sabhī ko ḳhvāb dikhlā.e ga.e haiñ

yahāñ sab log bahkā.e ga.e haiñ

baḌī mushkil se banvā.e ga.e haiñ

tujhe zevar jo pahnā.e ga.e haiñ

virāsat meñ mile the jo asāse

vo girvī aaj rakhvā.e ga.e haiñ

to kyā un kā ḳhudā koī nahīñ thā

kafan ke bin jo dafnā.e ga.e haiñ

unheñ ab yaad kartā hai zamāna

jo dīvāroñ meñ chunvā.e ga.e haiñ

jo mere paas haiñ she.rī asāse

ye 'ābid' mujh se likhvā.e ga.e haiñ

sabhi ko KHwab dikhlae gae hain

yahan sab log bahkae gae hain

baDi mushkil se banwae gae hain

tujhe zewar jo pahnae gae hain

wirasat mein mile the jo asase

wo girwi aaj rakhwae gae hain

to kya un ka KHuda koi nahin tha

kafan ke bin jo dafnae gae hain

unhen ab yaad karta hai zamana

jo diwaron mein chunwae gae hain

jo mere pas hain sheri asase

ye 'abid' mujh se likhwae gae hain