sabhi nuqush ghalat Khaal-o-KHad bala ke KHarab

sabhī nuqūsh ġhalat ḳhāl-o-ḳhad balā ke ḳharāb

mujhe vo Thiik nahīñ kar sakā banā ke ḳharāb

mujhe pasand hai har shai jo mere jaisī ho

so achchhī chiiz maiñ rakh aatī huuñ uThā ke ḳharāb

bas ek baar hī kaafī hai zindagī ki ḳhudā

phir is jahān meñ honā hai kis ko aa ke ḳharāb

to ik charāġh jalā aao shab kī chaukhaT par

agar mizāj nahīñ lag rahe havā ke ḳharāb

har ek kaam mukammal tavajjoh chāhtā hai

tabhī to ḳhud ko kiyā ḳhuub dil lagā ke ḳharāb

tazād-e-qaul-o-'amal aur fareb lahjoñ meñ

ye log dekhne meñ hī the intihā ke ḳharāb

maiñ sab se ḳhushnumā patthar thī tujh 'imārat kā

so tū ne ḳhud ko kiyā hai mujhe haTā ke ḳharāb

tumhārā dukh hai ki tum bhī banā diye ga.e ho

hamārā kyā hai ki ham log the sadā ke ḳharāb

sabhi nuqush ghalat KHal-o-KHad bala ke KHarab

mujhe wo Thik nahin kar saka bana ke KHarab

mujhe pasand hai har shai jo mere jaisi ho

so achchhi chiz main rakh aati hun uTha ke KHarab

bas ek bar hi kafi hai zindagi ki KHuda

phir is jahan mein hona hai kis ko aa ke KHarab

to ek charagh jala aao shab ki chaukhaT par

agar mizaj nahin lag rahe hawa ke KHarab

har ek kaam mukammal tawajjoh chahta hai

tabhi to KHud ko kiya KHub dil laga ke KHarab

tazad-e-qaul-o-'amal aur fareb lahjon mein

ye log dekhne mein hi the intiha ke KHarab

main sab se KHushnuma patthar thi tujh 'imarat ka

so tu ne KHud ko kiya hai mujhe haTa ke KHarab

tumhaara dukh hai ki tum bhi bana diye gae ho

hamara kya hai ki hum log the sada ke KHarab