سبھی سپنے ادھورے ہیں
سبھی سپنے ادھورے ہیں
جہاں والے ادھورے ہیں
محبت کی کہانی کے
سبھی حصے ادھورے ہیں
نہ تیرے ساتھ ہو ایسا
کہ ہم جتنے ادھورے ہیں
سنے جو تیرے بارے میں
وہ سب قصے ادھورے ہیں
کہانی نامکمل ہے
کئی فقرے ادھورے ہیں
ابھی تک گمشدہ ہے وہ
ابھی تک ہم ادھورے ہیں
بنا ماں باپ کے جگ میں
سبھی بچے ادھورے ہیں
تری باتیں ادھوری تھیں
مرے جملے ادھورے ہیں
تری تمثیل کے عابدؔ
کئی نقطے ادھورے ہیں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
