sabhi tare sabhi jugnu mere

sabhī taare sabhī jugnū mere

ab aur āñchal hai aur aañsū mere

kyā hikāyāt-e-shab-o-roz kahūñ

zehn meñ haiñ ruḳh-o-gesū mere

qaid kar le koī ā.īnoñ meñ

aks bikhre hue har-sū mere

kaash aisā ho ki titlī ban kar

haath aa jaa.e vo ḳhushbū mere

sab kī āñkhoñ meñ uḌāneñ haiñ mirī

kis ne dekhe par-o-bāzū mere

ek ma.asūm sā chehra ai 'mauj'

kar gayā zehn pe jaadū mere

sabhi tare sabhi jugnu mere

ab aur aanchal hai aur aansu mere

kya hikayat-e-shab-o-roz kahun

zehn mein hain ruKH-o-gesu mere

qaid kar le koi aainon mein

aks bikhre hue har-su mere

kash aisa ho ki titli ban kar

hath aa jae wo KHushbu mere

sab ki aankhon mein uDanen hain meri

kis ne dekhe par-o-bazu mere

ek masum sa chehra ai 'mauj'

kar gaya zehn pe jadu mere