صبر آنکھوں میں اتر آیا ہے بن کر پانی

صبر آنکھوں میں اتر آیا ہے بن کر پانی

ضبط کو توڑ کے تو نے کیا پتھر پانی

میرے ہونٹوں پہ کوئی پیاس لگا دی اس نے

تشنگی اور بڑھی پیاس میں پی کر پانی

ہجر نے اور مجھے اور بھی مضبوط کیا

برف کی سل ہے بنا آگ میں جل کر پانی

میکدے توڑ کے بستی میں سبیلیں باندھو

گر حسینی ہو تو پہنچا دو نا گھر گھر پانی

میری دنیا میں فقط تم ہو تمہارے غم ہیں

جیسے کوے کی کہانی میں ہیں کنکر پانی

اب تری سوچ میں آیا ہے کہ کشتی باندھوں

چڑھ گیا جب تری بستی سے بھی اوپر پانی