be-sabab hum kahin kab talak jaenge
be-sabab ham kahīñ kab talak jā.eñge
shaam hone se pahle hī thak jā.eñge
sabr hogā to ham duur tak jā.eñge
haar ke Dar se varna ThiThak jā.eñge
ab to ham beTiyoñ ko bhī de do falak
ham sitāroñ ke jaise chamak jā.eñge
tum rakho baaġh meñ yā ki gul-dān meñ
phuul haiñ ham kahīñ bhī mahak jā.eñge
jān-pahchān ho gar rasūḳhoñ se to
jurm chāhe hoñ sangīn Dhak jā.eñge
yaad maazī kī jab bhī hameñ aa.egī
ashk be-sāḳhta hī chhalak jā.eñge
be-sabab hum kahin kab talak jaenge
sham hone se pahle hi thak jaenge
sabr hoga to hum dur tak jaenge
haar ke Dar se warna ThiThak jaenge
ab to hum beTiyon ko bhi de do falak
hum sitaron ke jaise chamak jaenge
tum rakho bagh mein ya ki gul-dan mein
phul hain hum kahin bhi mahak jaenge
jaan-pahchan ho gar rasuKHon se to
jurm chahe hon sangin Dhak jaenge
yaad mazi ki jab bhi hamein aaegi
ashk be-saKHta hi chhalak jaenge
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
