sach baat to ye hai jo maza pyar mein aaya

sach baat to ye hai jo mazā pyaar meñ aayā

us se kahīñ baḌh kar hameñ iz.hār meñ aayā

ab kaise use qaum kā ā.īna kahūñ maiñ

kab dard mirā surḳhi-e-aḳhbār meñ aayā

begānoñ tumheñ mil nahīñ saktā vo jahāñ meñ

ham ko jo mazā yaar ke dīdār meñ aayā

saḌkoñ pe mire ḳhuun ko bahne se bachāne

maiñ ḳhud hī kaTā sar liye darbār meñ aayā

taḳhlīq-e-ġhazal terī mohabbat kā asar hai

sochā bhī na thā maiñ ne jo iz.hār meñ aayā

'hādī' kahīñ tūfān kā vo ruup na dhāre

jo dard mire qalb se ash.ār meñ aayā

sach baat to ye hai jo maza pyar mein aaya

us se kahin baDh kar hamein izhaar mein aaya

ab kaise use qaum ka aaina kahun main

kab dard mera surKHi-e-aKHbar mein aaya

beganon tumhein mil nahin sakta wo jahan mein

hum ko jo maza yar ke didar mein aaya

saDkon pe mere KHun ko bahne se bachane

main KHud hi kaTa sar liye darbar mein aaya

taKHliq-e-ghazal teri mohabbat ka asar hai

socha bhi na tha main ne jo izhaar mein aaya

'hadi' kahin tufan ka wo rup na dhaare

jo dard mere qalb se ashaar mein aaya