sach bolne wale ko hi ilzam milega

sach bolne vaale ko hī ilzām milegā

jo jhuuT kahegā use in.aam milegā

darbār meñ jo hāshiya-bardār rahe haiñ

sunte haiñ unheñ aaj baḌā kaam milegā

is dhuup meñ saa.e kī tamanna na karo tum

vo husn-e-mujassam to sar-e-shām milegā

dīdār kī hasrat hai to nazroñ ko uThāo

dekho vo hasīñ chehra lab-e-bām milegā

jin āñkhoñ ne gujrāt ke dekhe haiñ manāzir

tā-umr unheñ ab nahīñ ārām milegā

is shahr meñ 'āzam' jise tum DhūñD rahe ho

āvāra-sifat shā.ir-e-badnām milegā

sach bolne wale ko hi ilzam milega

jo jhuT kahega use inam milega

darbar mein jo hashiya-bardar rahe hain

sunte hain unhen aaj baDa kaam milega

is dhup mein sae ki tamanna na karo tum

wo husn-e-mujassam to sar-e-sham milega

didar ki hasrat hai to nazron ko uThao

dekho wo hasin chehra lab-e-baam milega

jin aankhon ne gujraat ke dekhe hain manazir

ta-umr unhen ab nahin aaram milega

is shahr mein 'azam' jise tum DhunD rahe ho

aawara-sifat shair-e-badnam milega