sach hai ki aah-e-sard meri be-asar nahin

sach hai ki āh-e-sard mirī be-asar nahīñ

patthar ko jhāḌiye to nikaltā sharar nahīñ

auroñ ko ho to ho hameñ marne se Dar nahīñ

ḳhat le ke ham hī jaate haiñ gar nāma-bar nahīñ

har-chand mujh meñ koī kamāl-o-hunar nahīñ

har charḳh-e-kīna-doz se maiñ be-ḳhatar nahīñ

uThtā qadam jo aage ko ab rāhbar nahīñ

pīchhe to chhoḌ aa.e kahīñ us kā ghar nahīñ

dil le ke de vo bosa ye hai muqtazā-e-sin

qīmat hai us kī kyā use ab tak ḳhabar nahīñ

be-iḳhtiyār rote haiñ paḌh paḌh ke marsiye

ulfat meñ terī gar ye mirā parda-dar nahīñ

arsh-e-barīñ pe jā ke rukeñ shauq ke qadam

'ārif' ye āshiyāna-e-ḳhairul-bashar nahīñ

sach hai ki aah-e-sard meri be-asar nahin

patthar ko jhaDiye to nikalta sharar nahin

auron ko ho to ho hamein marne se Dar nahin

KHat le ke hum hi jate hain gar nama-bar nahin

har-chand mujh mein koi kamal-o-hunar nahin

har charKH-e-kina-doz se main be-KHatar nahin

uThta qadam jo aage ko ab rahbar nahin

pichhe to chhoD aae kahin us ka ghar nahin

dil le ke de wo bosa ye hai muqtaza-e-sin

qimat hai us ki kya use ab tak KHabar nahin

be-iKHtiyar rote hain paDh paDh ke marsiye

ulfat mein teri gar ye mera parda-dar nahin

arsh-e-barin pe ja ke ruken shauq ke qadam

'arif' ye aashiyana-e-KHairul-bashar nahin