sach hai ki apna ruKH bhi badalna paDa mujhe

sach hai ki apnā ruḳh bhī badalnā paḌā mujhe

maiñ qāfile ke saath thā chalnā paḌā mujhe

be-vaj.h dil ko thī na.e manzar kī justujū

be-nām mausamoñ se bahalnā paḌā mujhe

kuchh mere kaam aa na sakī vaz-e-ehtiyāt

sho.aloñ se duur rah ke bhī chalnā paḌā mujhe

dast-e-talab darāz to sadiyoñ se hai magar

kuchh baat thī ki aaj machalnā paḌā mujhe

kitnā baḌā hujūm thā mere liye 'shamīm'

kis ḳhāmushī ke saath nikalnā paḌā mujhe

sach hai ki apna ruKH bhi badalna paDa mujhe

main qafile ke sath tha chalna paDa mujhe

be-wajh dil ko thi nae manzar ki justuju

be-nam mausamon se bahalna paDa mujhe

kuchh mere kaam aa na saki waz-e-ehtiyat

shoalon se dur rah ke bhi chalna paDa mujhe

dast-e-talab daraaz to sadiyon se hai magar

kuchh baat thi ki aaj machalna paDa mujhe

kitna baDa hujum tha mere liye 'shamim'

kis KHamushi ke sath nikalna paDa mujhe