sach hai ki mera dard kisi par ayan nahin

sach hai ki merā dard kisī par ayaañ nahīñ

lekin ye aag aisī hai jis kā dhuāñ nahīñ

aao ki is fazā meñ koī guftugū kareñ

dīvār maslahat kī yahāñ darmiyāñ nahīñ

ḳhud ko buland itnā samajhne lagā hai vo

goyā ki us ke sar pe koī āsmāñ nahīñ

ai ġham tirā asar abhī mujh par huā kahāñ

āñkhoñ se merī ḳhuun kā dariyā ravāñ nahīñ

puurā utarnā shart hai ḳhud kī nigāh meñ

is imtihāñ ke baad koī imtihāñ nahīñ

mere vatan kā mukhḌā bhī is se huā ḳharāb

fitna fasād dahr meñ dekho kahāñ nahīñ

logoñ kī zehniyat kā mujhe ilm hai 'nazar'

is ahd kā mizāj bhī mujh se nihāñ nahīñ

sach hai ki mera dard kisi par ayan nahin

lekin ye aag aisi hai jis ka dhuan nahin

aao ki is faza mein koi guftugu karen

diwar maslahat ki yahan darmiyan nahin

KHud ko buland itna samajhne laga hai wo

goya ki us ke sar pe koi aasman nahin

ai gham tera asar abhi mujh par hua kahan

aankhon se meri KHun ka dariya rawan nahin

pura utarna shart hai KHud ki nigah mein

is imtihan ke baad koi imtihan nahin

mere watan ka mukhDa bhi is se hua KHarab

fitna fasad dahr mein dekho kahan nahin

logon ki zehniyat ka mujhe ilm hai 'nazar'

is ahd ka mizaj bhi mujh se nihan nahin