sach kahne ka aaKHir ye anjam hua

sach kahne kā āḳhir ye anjām huā

saarī bastī meñ maiñ hī badnām huā

qatl kā mujrim rishvat de kar chhūT gayā

qismat dekho mere sar ilzām huā

mere ġham par vo aksar hañs detā hai

ye to ġham kā ġhair munāsib daam huā

zaḳhm yahāñ to vaise kā vaisā hī hai

tum batlāo tum ko kuchh ārām huā

tanhā.ī ne jab se qaid kiyā mujh ko

bāhar aane meñ tab se nākām huā

roz masā.il ghere haiñ mujh ko to ab

soch rahā huuñ gardish-e-ayyām huā

aḳhbāroñ meñ ḳhud ko paḌhte sochūñ huuñ

'mīt' yahāñ par merā bhī kuchh naam huā

sach kahne ka aaKHir ye anjam hua

sari basti mein main hi badnam hua

qatl ka mujrim rishwat de kar chhuT gaya

qismat dekho mere sar ilzam hua

mere gham par wo aksar hans deta hai

ye to gham ka ghair munasib dam hua

zaKHm yahan to waise ka waisa hi hai

tum batlao tum ko kuchh aaram hua

tanhai ne jab se qaid kiya mujh ko

bahar aane mein tab se nakaam hua

roz masail ghere hain mujh ko to ab

soch raha hun gardish-e-ayyam hua

aKHbaron mein KHud ko paDhte sochun hun

'mit' yahan par mera bhi kuchh nam hua