sada-o-KHamshi ke darmiyan Thaharta hai
sadā-o-ḳhāmshī ke darmiyāñ Thahartā hai
tirā ḳhayāl suḳhan meñ kahāñ Thahartā hai
hamārī qaid hamāre isī ḳhayāl se hai
hamāre rāste meñ ik makāñ Thahartā hai
ravish ravish jo hai paidā nazar ke sāmne vo
zarā sā dekhne par sab nihāñ Thahartā hai
agar vo vasl kā lamha hameñ mayassar ho
to saarā ishq hī kār-e-ziyāñ Thahartā hai
Thahar ke dekh ghaḌī-bhar ke vāste 'sānī'
maqām kyā hai jahāñ ye jahāñ Thahartā hai
sada-o-KHamshi ke darmiyan Thaharta hai
tera KHayal suKHan mein kahan Thaharta hai
hamari qaid hamare isi KHayal se hai
hamare raste mein ek makan Thaharta hai
rawish rawish jo hai paida nazar ke samne wo
zara sa dekhne par sab nihan Thaharta hai
agar wo wasl ka lamha hamein mayassar ho
to sara ishq hi kar-e-ziyan Thaharta hai
Thahar ke dekh ghaDi-bhar ke waste 'sani'
maqam kya hai jahan ye jahan Thaharta hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
