sada-o-saz ka jahan bana ke dekhte hain hum

sadā-o-sāz kā jahāñ banā ke dekhte haiñ ham

na.ī ġhazal kā qāfiya uThā ke dekhte haiñ ham

vo jin kī muddatoñ se aa.ī ḳhair kī ḳhabar nahīñ

unheñ kanār-e-dasht-e-jāñ meñ jā ke dekhte haiñ ham

qayām dil ke faiz se haiñ ek dil meñ kar chuke

nazar jo ab raqīb se milā ke dekhte haiñ ham

haiñ qarya qarya dhuup meñ jhulas ga.e to kyā huā

sa.ūbatoñ ko ziist kī harā ke dekhte haiñ ham

kisī pe hālat-e-dil-e-tabāh khul nahīñ sake

nazar zamīn se na yuuñ uThā ke dekhte haiñ ham

mizāj-āshnā.iyoñ kī fursateñ na laao tum

karam-navāziyoñ ko ab girā ke dekhte haiñ ham

buland mauj ko sadā hai aa ke naav gher le

ki hausle zarā se nāḳhudā ke dekhte haiñ ham

sada-o-saz ka jahan bana ke dekhte hain hum

nai ghazal ka qafiya uTha ke dekhte hain hum

wo jin ki muddaton se aai KHair ki KHabar nahin

unhen kanar-e-dasht-e-jaan mein ja ke dekhte hain hum

qayam dil ke faiz se hain ek dil mein kar chuke

nazar jo ab raqib se mila ke dekhte hain hum

hain qarya qarya dhup mein jhulas gae to kya hua

saubaton ko zist ki hara ke dekhte hain hum

kisi pe haalat-e-dil-e-tabah khul nahin sake

nazar zamin se na yun uTha ke dekhte hain hum

mizaj-ashnaiyon ki fursaten na lao tum

karam-nawaziyon ko ab gira ke dekhte hain hum

buland mauj ko sada hai aa ke naw gher le

ki hausle zara se naKHuda ke dekhte hain hum