sada wo deta bhi hoga to kya KHabar mujhko

sadā vo detā bhī hogā to kyā ḳhabar mujh ko

jo sunñe de ye mashīnoñ kā shor-o-shar mujh ko

'ajīb dasht huuñ maiñ bhī ki ek ik zarra

uḌaa.e phirtā hai muddat se dar-ba-dar mujh ko

har ik se pūchhtā phirtā hai merā nām-o-nishāñ

guzar gayā thā kabhī sahl jaan kar mujh ko

havā vo duur se detā hai apne dāman ko

qarīb aatā nahīñ jaan kar sharar mujh ko

maiñ apne qatl kā ilzām kisī ko duuñ 'rāhī'

milā hai apnā hī dāman lahū meñ tar mujh ko

sada wo deta bhi hoga to kya KHabar mujh ko

jo sunne de ye mashinon ka shor-o-shar mujh ko

'ajib dasht hun main bhi ki ek ek zarra

uDae phirta hai muddat se dar-ba-dar mujh ko

har ek se puchhta phirta hai mera nam-o-nishan

guzar gaya tha kabhi sahl jaan kar mujh ko

hawa wo dur se deta hai apne daman ko

qarib aata nahin jaan kar sharar mujh ko

main apne qatl ka ilzam kisi ko dun 'rahi'

mila hai apna hi daman lahu mein tar mujh ko