sadaen dete hue aur KHak uDate hue
sadā.eñ dete hue aur ḳhaak uḌāte hue
maiñ apne aap se guzrā huuñ tujh tak aate hue
phir us ke ba.ad zamāne ne mujh ko rauñd diyā
maiñ gir paḌā thā kisī aur ko uThāte hue
kahānī ḳhatm huī aur aisī ḳhatm huī
ki log rone lage tāliyāñ bajāte hue
phir us ke ba.ad atā ho ga.ī mujhe tāsīr
maiñ ro paḌā thā kisī ko ġhazal sunāte hue
ḳharīdnā hai to dil ko ḳharīd le fauran
khilaune TuuT bhī jaate haiñ āzmāte hue
tumhārā ġham bhī kisī tifl-e-shīr-ḳhār sā hai
ki uuñgh jaatā huuñ maiñ ḳhud use sulāte hue
agar mile bhī to miltā hai raah meñ 'fāris'
kahīñ se aate hue yā kahīñ ko jaate hue
sadaen dete hue aur KHak uDate hue
main apne aap se guzra hun tujh tak aate hue
phir us ke baad zamane ne mujh ko raund diya
main gir paDa tha kisi aur ko uThate hue
kahani KHatm hui aur aisi KHatm hui
ki log rone lage taliyan bajate hue
phir us ke baad ata ho gai mujhe tasir
main ro paDa tha kisi ko ghazal sunate hue
KHaridna hai to dil ko KHarid le fauran
khilaune TuT bhi jate hain aazmate hue
tumhaara gham bhi kisi tifl-e-shir-KHar sa hai
ki ungh jata hun main KHud use sulate hue
agar mile bhi to milta hai rah mein 'faris'
kahin se aate hue ya kahin ko jate hue
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
