sadaqat uThti jati hai jahan se
sadāqat uThtī jaatī hai jahāñ se
zamīñ Takrā na jaa.e āsmāñ se
sharar-hā-e-ġham-e-hastī ko saaqī
bujhā bhī de sharāb-e-arġhavāñ se
sitam-gāroñ sitam se baaz aao
Daro ham nā-tavānoñ kī fuġhāñ se
shab-e-ġham kī hazīñ tanhā.iyoñ meñ
sukūn-e-dil koī laa.e kahāñ se
bahār aa.ī na jab apne chaman meñ
mohabbat ho ga.ī āḳhir ḳhizāñ se
jo dil kā haal sab un ko sunā de
'naresh' aisī zabāñ lā.ūñ kahāñ se
sadaqat uThti jati hai jahan se
zamin Takra na jae aasman se
sharar-ha-e-gham-e-hasti ko saqi
bujha bhi de sharab-e-arghawan se
sitam-garon sitam se baz aao
Daro hum na-tawanon ki fughan se
shab-e-gham ki hazin tanhaiyon mein
sukun-e-dil koi lae kahan se
bahaar aai na jab apne chaman mein
mohabbat ho gai aaKHir KHizan se
jo dil ka haal sab un ko suna de
'naresh' aisi zaban laun kahan se
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
