sadiyon se tha jo darpae-azar gir gaya

sadiyoñ se thā jo darpa.e-āzār gir gayā

apnā adū vo ġhāzī-e-guftār gir gayā

kapḌoñ kī qaid se huā āzād us kā jism

vo shaḳhs jis ghaḌī sar-e-bāzār gir gayā

jab surḳhiyoñ pe apnī nigāheñ Thahar ga.iiñ

hāthoñ se apne aaj kā aḳhbār gir gayā

be-ḳhvāb rah ke sab ko vo kartā thā faizyāb

jab so gayā to sāya-e-dīvār gir gayā

vo zalzala thā yā ki qayāmat kā silsila

sāñsoñ ke sabz-shahr kā mīnār gir gayā

māyūsiyoñ kī fauj ne hamle kiye bahut

lamhoñ ke ran meñ rahbar-e-kirdār gir gayā

sadiyon se tha jo darpae-azar gir gaya

apna adu wo ghazi-e-guftar gir gaya

kapDon ki qaid se hua aazad us ka jism

wo shaKHs jis ghaDi sar-e-bazar gir gaya

jab surKHiyon pe apni nigahen Thahar gain

hathon se apne aaj ka aKHbar gir gaya

be-KHwab rah ke sab ko wo karta tha faizyab

jab so gaya to saya-e-diwar gir gaya

wo zalzala tha ya ki qayamat ka silsila

sanson ke sabz-shahr ka minar gir gaya

mayusiyon ki fauj ne hamle kiye bahut

lamhon ke ran mein rahbar-e-kirdar gir gaya