sadr-e-ali-maqam hone se
sadr-e-ālī-maqām hone se
rah ga.e apne kaam hone se
ek pahchān thī so vo bhī ga.ī
bevafā.ī ke 'aam hone se
aa ga.ī chaal meñ akaḌ merī
jeb meñ puure daam hone se
nukta-chīnoñ ke lab sile hī rahe
aap kā intizām hone se
vaqt se pahle ho ga.e būḌhe
is qadar ehtirām hone se
apnī ḳhidmat lagī mujhe behtar
dūsroñ kā ġhulām hone se
ro to letā thā pahle qismat ko
kaam bigḌā hai kaam hone se
sadr-e-ali-maqam hone se
rah gae apne kaam hone se
ek pahchan thi so wo bhi gai
bewafai ke 'am hone se
aa gai chaal mein akaD meri
jeb mein pure dam hone se
nukta-chinon ke lab sile hi rahe
aap ka intizam hone se
waqt se pahle ho gae buDhe
is qadar ehtiram hone se
apni KHidmat lagi mujhe behtar
dusron ka ghulam hone se
ro to leta tha pahle qismat ko
kaam bigDa hai kaam hone se
- Book : Dukh Naye Kapde Badal Kar (Pg. 96)
- Author : Shariq Kaifi
- Publication : Rekhta Publications (2019)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
