saf-e-dushmanan ko chirun dil-e-dostan pe utrun

saf-e-dushmanāñ ko chīrūñ dil-e-dostāñ pe utrūñ

tire haath kā huuñ ḳhanjar tū batā kahāñ pe utrūñ

maiñ ġhubār-e-rahguzar huuñ mirī saltanat hai har-sū

dil-e-kārvāñ pe utrūñ ruḳh-e-sārbāñ pe utrūñ

mire rāste muayyan mirī manzileñ muqarrar

rah-e-rahzanāñ ko lūTūñ dar-e-dil-barāñ pe utrūñ

maiñ savāb huuñ to ik din tire sang-e-dar pe utrūñ

maiñ azaab huuñ to apne dil-o-jism-o-jāñ pe utrūñ

maiñ hazīmatoñ kā raahī mirā har qadam hai paspā

na kahīñ zamīñ pe Thahrūñ na hī āsmāñ pe utrūñ

saf-e-dushmanan ko chirun dil-e-dostan pe utrun

tere hath ka hun KHanjar tu bata kahan pe utrun

main ghubar-e-rahguzar hun meri saltanat hai har-su

dil-e-karwan pe utrun ruKH-e-sarban pe utrun

mere raste muayyan meri manzilen muqarrar

rah-e-rahzanan ko luTun dar-e-dil-baran pe utrun

main sawab hun to ek din tere sang-e-dar pe utrun

main azab hun to apne dil-o-jism-o-jaan pe utrun

main hazimaton ka rahi mera har qadam hai paspa

na kahin zamin pe Thahrun na hi aasman pe utrun