safar bhi jabr hai na-chaar karna paDta hai
safar bhī jabr hai nā-chār karnā paḌtā hai
adū ko qāfila-sālār karnā paḌtā hai
gale meñ Dālnī paḌtī haiñ dhajjiyāñ apnī
aur apnī dhuul ko dastār karnā paḌtā hai
banānā paḌtā hai sochoñ meñ ik mahal aur phir
ḳhud apne haath se mismār karnā paḌtā hai
na-jāne kaun sī majbūriyāñ haiñ jin ke liye
ḳhud apnī zaat se inkār karnā paḌtā hai
koī bhī mas.ala phir mas.ala nahīñ rahtā
zarā zamīr ko bedār karnā paḌtā hai
banānā paḌtā hai apne badan ko chhat apnī
aur apne saa.e ko dīvār karnā paḌtā hai
hamārī gardaneñ mashrūt haiñ so in ke liye
saroñ ko ḳham sar-e-darbār karnā paḌtā hai
safar bhi jabr hai na-chaar karna paDta hai
adu ko qafila-salar karna paDta hai
gale mein Dalni paDti hain dhajjiyan apni
aur apni dhul ko dastar karna paDta hai
banana paDta hai sochon mein ek mahal aur phir
KHud apne hath se mismar karna paDta hai
na-jaane kaun si majburiyan hain jin ke liye
KHud apni zat se inkar karna paDta hai
koi bhi masala phir masala nahin rahta
zara zamir ko bedar karna paDta hai
banana paDta hai apne badan ko chhat apni
aur apne sae ko diwar karna paDta hai
hamari gardanen mashrut hain so in ke liye
saron ko KHam sar-e-darbar karna paDta hai
- Book : Pakistani Adab (Pg. 325)
- Author : Dr. Rashid Amjad
- Publication : Pakistan Academy of Letters, Islambad, Pakistan (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
