safar hi kafi hai umren guzarne ke liye

safar hī kaafī hai 'umreñ guzārne ke liye

vo kyoñ ba-zid hai mujhe paar utārne ke liye

vo jurm itnā jo sangīn us ko lagtā hai

kiyā thā maiñ ne koī pal guzārne ke liye

vo saarī sulh-pasandī vo ḳhāksārī sab

bahut zarūrī thā 'izzat se hārne ke liye

jhagaḌ rahe the vahāñ sab na.ī rutoñ ke amiiñ

mirā purānā koī ruup dhārne ke liye

tamām 'umr rahā huuñ shikasta kashtī par

maiñ nā-ḳhudāoñ ke ehsāñ utārne ke liye

usī pe vus'ateñ khultī haiñ dasht-o-sahrā kī

jise koī bhī na aa.e pukārne ke liye

ik aur baazī mujhe us ke saath khelnā hai

usī kī tarh salīqe se hārne ke liye

safar hi kafi hai 'umren guzarne ke liye

wo kyon ba-zid hai mujhe par utarne ke liye

wo jurm itna jo sangin us ko lagta hai

kiya tha main ne koi pal guzarne ke liye

wo sari sulh-pasandi wo KHaksari sab

bahut zaruri tha 'izzat se haarne ke liye

jhagaD rahe the wahan sab nai ruton ke amin

mera purana koi rup dhaarne ke liye

tamam 'umr raha hun shikasta kashti par

main na-KHudaon ke ehsan utarne ke liye

usi pe wus'aten khulti hain dasht-o-sahra ki

jise koi bhi na aae pukarne ke liye

ek aur bazi mujhe us ke sath khelna hai

usi ki tarh saliqe se haarne ke liye