safar mein apne wo raKHt-e-safar ko bhul gae

safar meñ apne vo raḳht-e-safar ko bhuul ga.e

sunahrī dhuup meñ so.e shajar ko bhuul ga.e

jo sīpiyoñ meñ samundar kā shor sunte the

vo ahl-e-'aql bhī ḳhud ab bhañvar ko bhuul ga.e

lagī hai lat ye parindoñ ko jab se piñjroñ kī

safar to kyā hī kareñge shajar ko bhuul ga.e

milā nahīñ hai dar-o-bām jin ko qismat meñ

saḌak pe sote haiñ marne ke Dar ko bhuul ga.e

jo intizār meñ din bhī guzār lete the vo

musāfiroñ se mile muntazar ko bhuul ga.e

safar mein apne wo raKHt-e-safar ko bhul gae

sunahri dhup mein soe shajar ko bhul gae

jo sipiyon mein samundar ka shor sunte the

wo ahl-e-'aql bhi KHud ab bhanwar ko bhul gae

lagi hai lat ye parindon ko jab se pinjron ki

safar to kya hi karenge shajar ko bhul gae

mila nahin hai dar-o-baam jin ko qismat mein

saDak pe sote hain marne ke Dar ko bhul gae

jo intizar mein din bhi guzar lete the wo

musafiron se mile muntazar ko bhul gae