safar mein hum akele to nahin the

safar meñ ham akele to nahīñ the

mohabbat thī jhamele to nahīñ the

hamāre dil meñ un kī chaah thī bas

ham un ke dil se khele to nahīñ the

namī us roz thī chand āñsuoñ kī

in āñkhoñ meñ ye rele to nahīñ the

taqāzā kar rahe haiñ sab hī lekin

vo faaqe sab ne jhele to nahīñ the

thā manzar muḳhtalif kuchh sabz kal tak

hathelī par ye Dhele to nahīñ the

safar mein hum akele to nahin the

mohabbat thi jhamele to nahin the

hamare dil mein un ki chah thi bas

hum un ke dil se khele to nahin the

nami us roz thi chand aansuon ki

in aankhon mein ye rele to nahin the

taqaza kar rahe hain sab hi lekin

wo faqe sab ne jhele to nahin the

tha manzar muKHtalif kuchh sabz kal tak

hatheli par ye Dhele to nahin the