سفر میں ہر قدم یوں تو وبال جان لگتا ہے

سفر میں ہر قدم یوں تو وبال جان لگتا ہے

مناسب ہم سفر ہو تو سفر آسان لگتا ہے

سیاست کی یہ تنظیمیں دکانیں بن گئیں جب سے

بکھرتا ٹوٹتا سپنوں کا ہندوستان لگتا ہے

بدلتے وقت نے رشتوں کی قدریں تک بدل ڈالیں

اگر بھائی بھی گھر آئے تو وہ مہمان لگتا ہے

خوشی سے بوجھ یوں بھی ہم مصیبت کا اٹھاتے ہیں

مصیبت سے بہت بھاری ہمیں احسان لگتا ہے

کوئی پتھر ہوا خوشبو کسی کے حسن کا جلوہ

یہ کس کا منتظر کمرے کا روشن دان لگتا ہے