safar mein har qadam yun to wabaal-e-jaan lagta hai

safar meñ har qadam yuuñ to vabāl-e-jān lagtā hai

munāsib ham-safar ho to safar āsān lagtā hai

siyāsat kī ye tanzīmeñ dukāneñ ban ga.iiñ jab se

bikhartā TūTtā sapnoñ kā hindostān lagtā hai

badalte vaqt ne rishtoñ kī qadreñ tak badal Dālīñ

agar bhaa.ī bhī ghar aa.e to vo mehmān lagtā hai

ḳhushī se bojh yuuñ bhī ham musībat kā uThāte haiñ

musībat se bahut bhārī hameñ ehsān lagtā hai

koī patthar havā ḳhushbū kisī ke husn kā jalva

ye kis kā muntazir kamre kā raushan-dān lagtā hai

safar mein har qadam yun to wabaal-e-jaan lagta hai

munasib ham-safar ho to safar aasan lagta hai

siyasat ki ye tanzimen dukanen ban gain jab se

bikharta TuTta sapnon ka hindostan lagta hai

badalte waqt ne rishton ki qadren tak badal Dalin

agar bhai bhi ghar aae to wo mehman lagta hai

KHushi se bojh yun bhi hum musibat ka uThate hain

musibat se bahut bhaari hamein ehsan lagta hai

koi patthar hawa KHushbu kisi ke husn ka jalwa

ye kis ka muntazir kamre ka raushan-dan lagta hai