safar mein rasta badalne ke fan se waqif hai
safar meñ rasta badalne ke fan se vāqif hai
vo shaḳhs chehra badalne ke fan se vāqif hai
huī hai chashm-e-shanāsā bhī ajnabī to khulā
ki aañkh rishta badalne ke fan se vāqif hai
hai aadhe shahr meñ bārish to aadhe shahr meñ dhuup
havā ilāqa badalne ke fan se vāqif hai
sunī-sunā.ī pe ik-dam yaqīn mat karnā
ye ḳhalq qissa badalne ke fan se vāqif hai
usī ke paas hukūmat hai ab qabīle kī
ki jo qabīla badalne ke fan se vāqif hai
kisī ko piñjra badalne kā shauq hai 'rūhī'
koī parinda badalne ke fan se vāqif hai
safar mein rasta badalne ke fan se waqif hai
wo shaKHs chehra badalne ke fan se waqif hai
hui hai chashm-e-shanasa bhi ajnabi to khula
ki aankh rishta badalne ke fan se waqif hai
hai aadhe shahr mein barish to aadhe shahr mein dhup
hawa ilaqa badalne ke fan se waqif hai
suni-sunai pe ik-dam yaqin mat karna
ye KHalq qissa badalne ke fan se waqif hai
usi ke pas hukumat hai ab qabile ki
ki jo qabila badalne ke fan se waqif hai
kisi ko pinjra badalne ka shauq hai 'ruhi'
koi parinda badalne ke fan se waqif hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
