safar mein zindagi ke jab bhi waqt-e-sham aaega

safar meñ zindagī ke jab bhī vaqt-e-shām aa.egā

charāġh-e-rāh ban kar dāġh-e-hasrat kaam aa.egā

unhīñ kā naam le kar shaġhl-e-mai-noshī karo rindo

unhīñ ke naam kī mastī se lutf-e-jām aa.egā

azal se husn ko mā'sūmiyat kī shaan baḳhshī hai

ba-nām-e-'ishq hī aa.egā jo ilzām aa.egā

koī jā kar ye kah de hākim-e-shahr-e-nigārāñ se

sar-e-bāzār phir yūsuf pa-e-nīlām aa.egā

hamārā dil ye kahtā hai unheñ naama jo likkheñge

vahī naama palaT kar phir hamāre naam aa.egā

patā detā hai ashkoñ kā sar-e-mizhgāñ Thahar jaanā

ki ab un kā kisī ke haath kuchh paiġhām aa.egā

safar mein zindagi ke jab bhi waqt-e-sham aaega

charagh-e-rah ban kar dagh-e-hasrat kaam aaega

unhin ka nam le kar shaghl-e-mai-noshi karo rindo

unhin ke nam ki masti se lutf-e-jam aaega

azal se husn ko ma'sumiyat ki shan baKHshi hai

ba-nam-e-'ishq hi aaega jo ilzam aaega

koi ja kar ye kah de hakim-e-shahr-e-nigaran se

sar-e-bazar phir yusuf pa-e-nilam aaega

hamara dil ye kahta hai unhen nama jo likkhenge

wahi nama palaT kar phir hamare nam aaega

pata deta hai ashkon ka sar-e-mizhgan Thahar jaana

ki ab un ka kisi ke hath kuchh paigham aaega