safar nasib agar ho to ye badan kyun hai

safar nasīb agar ho to ye badan kyuuñ hai

dayār-e-ġhair tumhāre liye vatan kyuuñ hai

havā-e-shabnam-o-gul hai to be-ḳhudī kaisī

hisār-e-zāt meñ āshob-e-mā-o-man kyuuñ hai

bas ek aks-e-nazāra hai inkishāf-e-vajūd

kulāh-e-shīsha-garāñ meñ ye bāñkpan kyuuñ hai

nishāt-e-be-talbī jāda-e-najāt huā

ḳhabar nahīñ ki usī raah meñ chaman kyuuñ hai

libās-e-ḳhāk shafaq-rañg misl-e-shāḳh-e-chinār

bisāt-e-soḳhta-āmoz fikr-o-fan kyuuñ hai

garāñ hai tab-e-zamāna pe har sadā-e-nafas

ḳhayāl-o-ḳhvāb pe nuqtoñ kā pairahan kyuuñ hai

safar nasib agar ho to ye badan kyun hai

dayar-e-ghair tumhaare liye watan kyun hai

hawa-e-shabnam-o-gul hai to be-KHudi kaisi

hisar-e-zat mein aashob-e-ma-o-man kyun hai

bas ek aks-e-nazara hai inkishaf-e-wajud

kulah-e-shisha-garan mein ye bankpan kyun hai

nishat-e-be-talbi jada-e-najat hua

KHabar nahin ki usi rah mein chaman kyun hai

libas-e-KHak shafaq-rang misl-e-shaKH-e-chinar

bisat-e-soKHta-amoz fikr-o-fan kyun hai

garan hai tab-e-zamana pe har sada-e-nafas

KHayal-o-KHwab pe nuqton ka pairahan kyun hai