safar pe nikle to tanhaiyan bhi sath chalin

safar pe nikle to tanhā.iyāñ bhī saath chalīñ

tumhārī yaad kī parchhā.iyāñ bhī saath chalīñ

qadam qadam pe baḌhā fāsloñ kā sannāTā

qadam qadam pe sabhī dūriyāñ bhī saath chalīñ

gulāb-chehre bahut pīchhe chhoḌ aa.e magar

tumhāre gaañv kī rañgīniyāñ bhī saath chalīñ

vo sher sher fazā vo ġhazal ġhazal shāmeñ

hasīn lamhoñ kī sarmastiyāñ bhī saath chalīñ

rafāqatoñ se mahakte tilismī shām-o-sahar

mohabbatoñ kī ye purvā.iyāñ bhī saath chalīñ

vo ḳhushbū ḳhvāb dhuāñ yādoñ ke hasīñ mahtāb

tumhārī bazm kī ra.anā.iyāñ bhī saath chalīñ

chhalaktā jaa.e hai 'husnā' ḳhumār āñkhoñ se

nazar nazar kī ye be-ḳhvābiyāñ bhī saath chalīñ

safar pe nikle to tanhaiyan bhi sath chalin

tumhaari yaad ki parchhaiyan bhi sath chalin

qadam qadam pe baDha faslon ka sannaTa

qadam qadam pe sabhi duriyan bhi sath chalin

gulab-chehre bahut pichhe chhoD aae magar

tumhaare ganw ki ranginiyan bhi sath chalin

wo sher sher faza wo ghazal ghazal shamen

hasin lamhon ki sarmastiyan bhi sath chalin

rafaqaton se mahakte tilismi sham-o-sahar

mohabbaton ki ye purwaiyan bhi sath chalin

wo KHushbu KHwab dhuan yaadon ke hasin mahtab

tumhaari bazm ki ranaiyan bhi sath chalin

chhalakta jae hai 'husna' KHumar aankhon se

nazar nazar ki ye be-KHwabiyan bhi sath chalin