safar se kis ko mafar hai lekin ye kya ki bas reg-zar aaen

safar se kis ko mafar hai lekin ye kyā ki bas reg-zār aa.eñ

kahīñ koī sā.ebān bhī de ki gard-e-vahshat utaar aa.eñ

ye ḳhushk-sālī ki muddatoñ se chaman meñ aa kar pisar ga.ī hai

kabhī to naḳhl-e-murād jhūme kahīñ to kuchh barg-o-bār aa.eñ

zamīñ ki gul-posh bhī rahī aur falak pe qaus-e-quzah bhī jhūmī

maze maze kī vo sā.ateñ thiiñ chalo ye din bhī guzār aa.eñ

idhar ye dil hai ki us ko bas ik junūñ kī dhun hai junūñ kī dhun hai

udhar hamārā ye azm-e-paiham ki zulf-e-gītī sañvār aa.eñ

ye sun ke dekheñ ki koī apnoñ ko kaise āḳhir pukārtā hai

chalo ki apnā hī naam 'rāshid' kisī kueñ meñ pukār aa.eñ

safar se kis ko mafar hai lekin ye kya ki bas reg-zar aaen

kahin koi saeban bhi de ki gard-e-wahshat utar aaen

ye KHushk-sali ki muddaton se chaman mein aa kar pisar gai hai

kabhi to naKHl-e-murad jhume kahin to kuchh barg-o-bar aaen

zamin ki gul-posh bhi rahi aur falak pe qaus-e-quzah bhi jhumi

maze maze ki wo saaten thin chalo ye din bhi guzar aaen

idhar ye dil hai ki us ko bas ek junun ki dhun hai junun ki dhun hai

udhar hamara ye azm-e-paiham ki zulf-e-giti sanwar aaen

ye sun ke dekhen ki koi apnon ko kaise aaKHir pukarta hai

chalo ki apna hi nam 'rashid' kisi kuen mein pukar aaen