صفحوں کی قید سے انہیں آزاد کیجیے

صفحوں کی قید سے انہیں آزاد کیجیے

کچھ شعر تر ہوئے ہوں تو ارشاد کیجیے

شیشے سے روز آتی ہے بس ایک ہی سدا

روتی ہوئی یہ شکل کبھی شاد کیجیے

سینہ سے دل نکل کے ہی آ جائے روبرو

اک روز اتنا آپ مجھے یاد کیجیے

بس ایک کام آتا ہے دنیا کو خوب تر

جو شخص خوش دکھائی دے ناشاد کیجیے

یہ دن خوشی کا دن ہے اسے چھوڑ کر حضور

آباد دل کو پھر کبھی برباد کیجیے

سوہلؔ یہ اشک آنکھ میں کیوں روک کر رکھے

آزاد پنچھیوں کو تو آزاد کیجیے