صفوں کو جوڑ کوئی اہتمام پیدا کر

صفوں کو جوڑ کوئی اہتمام پیدا کر

نظر کو تاب دے ظرف امام پیدا کر

مجاہدات میں اپنا مقام پیدا کر

خموشیوں سے بھی حسن کلام پیدا کر

چراغ پا نہ ہو لوگوں کی نکتہ چینی پر

دلوں کو جیت سکے وہ مقام پیدا کر

ابھی صدائے طلب سے ہے میکدہ خالی

کہ دور جام میں تاثیر جام پیدا کر

گزر گئے ہیں جو اوقات ان کا ماتم کیا

کوئی سلیقے کا اب تو نظام پیدا کر

روشؔ فضا ہے مکدر منافرت کی جہاں

وہیں کی خاک سے خوشبو مدام پیدا کر