sahar jo nikla main apne ghar se to dekha ek shoKH husn wala

sahar jo niklā maiñ apne ghar se to dekhā ik shoḳh husn vaalā

jhalak vo mukhḌe meñ us sanam ke ki jaise sūraj meñ ho ujālā

vo zulfeñ us kī siyāh pur-ḳham ki un ke bal aur shikan ko yaaro

na pahuñche sumbul na pahuñche raihāñ na pahuñche nāgin na pahuñche kaalā

adā.eñ bāñkī ajab tarah kī vo tirchhī chitvan bhī kuchh tamāsha

bhañveñ vo jaise khiñchī kamāneñ palak sināñ-kash nigāh bhālā

vo āñkheñ mast aur gulābī us kī ki un ko dekhe to dekhte hī

mai-e-mohabbat kā us kī dil ko ho kyā hī gahrā nasha do-bālā

laboñ pe surḳhī vo paan kī kuchh ki la.al bhī munfa.il ho jis se

vo aan hañsne kī bhī phir aisī ki jis kā aalam hai kuchh nirālā

vo jāma-zebī vo dil-farebī vo saj-dhaj us kī vo qadd-e-zebā

ki dekh jis par fidā hoñ dil se vo jin ko kahte haiñ sarv-e-bālā

nigah laḌā.ī hai us ne jis dam jhaTak liyā jhap to dil ko mere

adā adā ne idhar dabochā palak palak ne udhar uchhālā

jo le liyā dil ko mere yaaro to us ne lī raah apne ghar kī

paḌā taḌaptā maiñ rah gayā vaañ zabāñ pe aah aur laboñ pe naala

bahut ye maiñ ne to chāhā pūchhūñ maiñ naam us kā vale vo gul-rū

na mujh se bolā na kī ishārat na dī tasallī na kuchh sambhālā

parī-ruḳh-e-man shakar-lab-e-man va mai tū baaz aa ba-pesh-e-chashmam

ba-yād-e-sarv-e-tū be-qarāram nihāl-e-ishqat shud-ast baalā

fidā-e-vajhak ashī-e-sharqan va mau-e-nahran va man firāqak

kasīr-e-huznā ma.al-humūme saqīl-e-hijrā va kal-jibālā

tusā de milne nuuñ dil hai be-kal ehī o gallāñ nit ākhadā hai

sadā le mainūñ de apne ghar vich nahīñ to itthe asā de naal aa

tumhārī aasā lagī hai nis din tumhāre darshan ko tarseñ naināñ

dulāre sundar anūThe abran haTīle mohan anokhe laalā

chahan ke man ko jo chhannanūñ thī ai yaar kaa.eñ lagā.ī itnī

bharā.etīñ aa khabar lo mhaañ kī palak kaTārā jo thaañ ne ghālā

agan barat hai hiyā meñ more birah meñ tere ai man-muhanvāñ

tore jo naināñ ne mohā mohko na jīnūñ tinko bhavā vakhālā

jagat sabahhā amat barahmukh aTak kahasvā maman karan khā

divānī kenī tuman surījan na sudh kī gar par na budh kī jhālā

kabhī to hañs kar shitāb aa jā 'nazīr' kī bhī taraf Tuk ai jaañ

banā ke saj-dhaj phirā ke dāman lagā ke Thokar hilā ke baalā

sahar jo nikla main apne ghar se to dekha ek shoKH husn wala

jhalak wo mukhDe mein us sanam ke ki jaise suraj mein ho ujala

wo zulfen us ki siyah pur-KHam ki un ke bal aur shikan ko yaro

na pahunche sumbul na pahunche raihan na pahunche nagin na pahunche kala

adaen banki ajab tarah ki wo tirchhi chitwan bhi kuchh tamasha

bhanwen wo jaise khinchi kamanen palak sinan-kash nigah bhaala

wo aankhen mast aur gulabi us ki ki un ko dekhe to dekhte hi

mai-e-mohabbat ka us ki dil ko ho kya hi gahra nasha do-baala

labon pe surKHi wo pan ki kuchh ki lal bhi munfail ho jis se

wo aan hansne ki bhi phir aisi ki jis ka aalam hai kuchh nirala

wo jama-zebi wo dil-farebi wo saj-dhaj us ki wo qadd-e-zeba

ki dekh jis par fida hon dil se wo jin ko kahte hain sarw-e-baala

nigah laDai hai us ne jis dam jhaTak liya jhap to dil ko mere

ada ada ne idhar dabocha palak palak ne udhar uchhaala

jo le liya dil ko mere yaro to us ne li rah apne ghar ki

paDa taDapta main rah gaya wan zaban pe aah aur labon pe nala

bahut ye main ne to chaha puchhun main nam us ka wale wo gul-ru

na mujh se bola na ki ishaarat na di tasalli na kuchh sambhaala

pari-ruKH-e-man shakar-lab-e-man wa mai tu baz aa ba-pesh-e-chashmam

ba-yaad-e-sarw-e-tu be-qararam nihaal-e-ishqat shud-ast baala

fida-e-wajhak ashi-e-sharqan wa mau-e-nahran wa man firaqak

kasir-e-huzna mal-humume saqil-e-hijra wa kal-jibaala

tusa de milne nun dil hai be-kal ehi o gallan nit aakhada hai

sada le mainun de apne ghar wich nahin to itthe asa de nal aa

tumhaari aasa lagi hai nis din tumhaare darshan ko tarsen nainan

dulare sundar anuThe abran haTile mohan anokhe lala

chahan ke man ko jo chhannanun thi ai yar kaen lagai itni

bharaetin aa khabar lo mhan ki palak kaTara jo than ne ghaala

agan barat hai hiya mein more birah mein tere ai man-muhanwan

tore jo nainan ne moha mohko na jinun tinko bhawa wakhaala

jagat sabahha amat barahmukh aTak kahaswa maman karan kha

diwani keni tuman surijan na sudh ki gar par na budh ki jhaala

kabhi to hans kar shitab aa ja 'nazir' ki bhi taraf Tuk ai jaan

bana ke saj-dhaj phira ke daman laga ke Thokar hila ke baala