sahme sahme chalte phirte lashe jaise log

sahme sahme chalte phirte lāshe jaise log

vaqt se pahle mar jaate haiñ kitne aise log

sar par chaḌh kar bol rahe haiñ paude jaise log

peḌ bane ḳhāmosh khaḌe haiñ kaise kaise log

chaḌhtā sūraj dekh ke ḳhush haiñ kaun nahīñ samjhā.e

taptī dhuup meñ kumhlā.eñge ġhunche jaise log

shab ke rāj-dulāro socho apnā bhī anjām

shab kā kyā hai kaaT hī deñge jaise-taise log

ġham kā darmāñ sochne baiThe the jo raat ga.e

fikr-e-fardā le kar uTThe bazm-e-mai se log

'mohsin' aur bhī nikhregā in sheroñ kā mafhūm

apne aap ko pahchāneñge jaise jaise log

sahme sahme chalte phirte lashe jaise log

waqt se pahle mar jate hain kitne aise log

sar par chaDh kar bol rahe hain paude jaise log

peD bane KHamosh khaDe hain kaise kaise log

chaDhta suraj dekh ke KHush hain kaun nahin samjhae

tapti dhup mein kumhlaenge ghunche jaise log

shab ke raj-dularo socho apna bhi anjam

shab ka kya hai kaT hi denge jaise-taise log

gham ka darman sochne baiThe the jo raat gae

fikr-e-farda le kar uTThe bazm-e-mai se log

'mohsin' aur bhi nikhrega in sheron ka mafhum

apne aap ko pahchanenge jaise jaise log