sahra-e-arzu mein na hargiz qiyam kar

sahrā-e-ārzū meñ na hargiz qiyām kar

ḳhuddārī-e-junūñ kā bhī kuchh ehtirām kar

kaif-e-alam meñ Duub ḳhudī ko davām kar

nazm-e-ġham-e-hayāt kā yuuñ iḳhtitām kar

ḳhud ko asīr-e-panja-e-sad-ehtimām kar

mansūb sarguzasht-e-vafā un ke naam kar

rang-e-shab-e-darāz badal ashk-e-ḳhūn se

shāyān-e-shān sub.h-e-tarab ehtimām kar

maanā ki talḳhiyoñ ke sivā is meñ kuchh nahīñ

saaqī se hai ḳhulūs to tauqīr-e-jām kar

ab jazba-e-kalīm zarūrī nahīñ to phir

be-qaid-e-tūr tū bhī tajallī ko 'aam kar

ye chashm nam hai dil kī tabāhī pe kis liye

'bāsit' usūl-e-ġham ko na mahfil meñ 'aam kar

sahra-e-arzu mein na hargiz qiyam kar

KHuddari-e-junun ka bhi kuchh ehtiram kar

kaif-e-alam mein Dub KHudi ko dawam kar

nazm-e-gham-e-hayat ka yun iKHtitam kar

KHud ko asir-e-panja-e-sad-ehtimam kar

mansub sarguzasht-e-wafa un ke nam kar

rang-e-shab-e-daraaz badal ashk-e-KHun se

shayan-e-shan subh-e-tarab ehtimam kar

mana ki talKHiyon ke siwa is mein kuchh nahin

saqi se hai KHulus to tauqir-e-jam kar

ab jazba-e-kalim zaruri nahin to phir

be-qaid-e-tur tu bhi tajalli ko 'am kar

ye chashm nam hai dil ki tabahi pe kis liye

'basit' usul-e-gham ko na mahfil mein 'am kar