sahra ki dhup mein bhi shajar dekhte rahe

sahrā kī dhuup meñ bhī shajar dekhte rahe

kyā log the duā kā asar dekhte rahe

ham apne jism-o-jāñ ko ḳhizāñ meñ utaar kar

gulnār mausamoñ ke hunar dekhte rahe

bārish kī ādatoñ kā badalnā muhāl thā

jalte hue ham apne hī ghar dekhte rahe

jab bhī tire badan kī mahak ham-safar rahī

ham be-charāġh shab meñ sahar dekhte rahe

ik shahr-e-mah-vashāñ thā ki āñkhoñ ke saath thā

ham phir bhī terī rāhguzar dekhte rahe

'jāzib' meñ tere pyaar kī ḳhvāhish shadīd thī

'jāzib' ko ahl-e-naqd-o-nazar dekhte rahe

sahra ki dhup mein bhi shajar dekhte rahe

kya log the dua ka asar dekhte rahe

hum apne jism-o-jaan ko KHizan mein utar kar

gulnar mausamon ke hunar dekhte rahe

barish ki aadaton ka badalna muhaal tha

jalte hue hum apne hi ghar dekhte rahe

jab bhi tere badan ki mahak ham-safar rahi

hum be-charagh shab mein sahar dekhte rahe

ek shahr-e-mah-washan tha ki aankhon ke sath tha

hum phir bhi teri rahguzar dekhte rahe

'jazib' mein tere pyar ki KHwahish shadid thi

'jazib' ko ahl-e-naqd-o-nazar dekhte rahe