sahra mein har taraf hai wahi shor-e-al-atash

sahrā meñ har taraf hai vahī shor-e-al-atash

dariyā kā ruḳh badal na sake log āḳhirash

paa.e ga.e haiñ ek ḳhat-e-mustaqīm par

yaksāñ haiñ ab hamārī nazar meñ jahāt-e-shash

ruḳh se haqīqatoñ ke hijābāt uTh ga.e

ab e'tibār-e-dīd pe khā.egā kaun ġhash

vo iḳhtiyār-e-dīd kī sūrat nahīñ rahī

dil se nikal chukā hai har ik tīr-e-nīm-kash

ai āftāb-e-sub.h farāġhat idhar kahāñ

ham log pī rahe haiñ abhī zahr-e-kashmakash

'hāmid' harīm-e-zāt meñ ḳhud apnī dekhiye

āḳhir chhupā huā hai yahāñ kaun barq-vash

sahra mein har taraf hai wahi shor-e-al-atash

dariya ka ruKH badal na sake log aaKHirash

pae gae hain ek KHat-e-mustaqim par

yaksan hain ab hamari nazar mein jahat-e-shash

ruKH se haqiqaton ke hijabaat uTh gae

ab e'tibar-e-did pe khaega kaun ghash

wo iKHtiyar-e-did ki surat nahin rahi

dil se nikal chuka hai har ek tir-e-nim-kash

ai aaftab-e-subh faraghat idhar kahan

hum log pi rahe hain abhi zahr-e-kashmakash

'hamid' harim-e-zat mein KHud apni dekhiye

aaKHir chhupa hua hai yahan kaun barq-wash