sahra-naward kitne isi gham mein mar gae

sahrā-navard kitne isī ġham meñ mar ga.e

gir jā.eñge nazar se agar lauT kar ga.e

vo itne be-ḳhabar haiñ ki ye bhī ḳhabar nahīñ

ham imtihān-e-ishq meñ jaañ se guzar ga.e

dekhā hai ham ne ye bhī takallum ke saath saath

gesū sañvar ga.e kabhī gesū bikhar ga.e

kyā kyā karam haiñ gardish-e-lail-o-nahār ke

dekhā jo ham ne ġhaur se ā.īne Dar ga.e

hai kārvāñ hī baaqī na ab gard-e-kārvāñ

mujh se bichhaḌ ke saare mire ham-safar ga.e

ḳhāmosh huuñ navishta-e-taqdīr jaan kar

maiñ ne hasīn ḳhvāb jo dekhe bikhar ga.e

sahra-naward kitne isi gham mein mar gae

gir jaenge nazar se agar lauT kar gae

wo itne be-KHabar hain ki ye bhi KHabar nahin

hum imtihan-e-ishq mein jaan se guzar gae

dekha hai hum ne ye bhi takallum ke sath sath

gesu sanwar gae kabhi gesu bikhar gae

kya kya karam hain gardish-e-lail-o-nahaar ke

dekha jo hum ne ghaur se aaine Dar gae

hai karwan hi baqi na ab gard-e-karwan

mujh se bichhaD ke sare mere ham-safar gae

KHamosh hun nawishta-e-taqdir jaan kar

main ne hasin KHwab jo dekhe bikhar gae