sahra-nawardiyon ke ewaz ghar diya gaya

sahrā-navardiyoñ ke evaz ghar diyā gayā

pyāsī nadī ko ḳhārā samundar diyā gayā

bas lams bhar jahān dikhāyā gayā hameñ

duniyā kā zā.iqa bhī nigah-bhar diyā gayā

us ko zarā sā shak thā mohabbat kā aur bas

is or se yaqīn barābar diyā gayā

ham kāfiroñ ne us ko ḳhudā hī banā liyā

jo shaḳhs thā barā.e-payāmbar diyā gayā

jin ko milī umiid ḳhudā vaale ho ga.e

munkir hue vo jin ko faqat Dar diyā gayā

ham ko sazā-e-naql-e-makānī to dī magar

dīvār-o-dar ko raḳht-e-safar kar diyā gayā

sahra-nawardiyon ke ewaz ghar diya gaya

pyasi nadi ko KHara samundar diya gaya

bas lams bhar jahan dikhaya gaya hamein

duniya ka zaiqa bhi nigah-bhar diya gaya

us ko zara sa shak tha mohabbat ka aur bas

is or se yaqin barabar diya gaya

hum kafiron ne us ko KHuda hi bana liya

jo shaKHs tha barae-payambar diya gaya

jin ko mili umid KHuda wale ho gae

munkir hue wo jin ko faqat Dar diya gaya

hum ko saza-e-naql-e-makani to di magar

diwar-o-dar ko raKHt-e-safar kar diya gaya