sahra sahra baat chali hai nagri nagri charcha hai

sahrā sahrā baat chalī hai nagrī nagrī charchā hai

raat ke ġham meñ sūraj sā.īñ bādal oḌhe phirtā hai

jhoñkā jhoñkā terī ḳhushbū mujh se lipaT kar guzrī hai

reza reza terī ḳhātir maiñ ne jism gañvāyā hai

din-bhar bādal chham-chham barsā shaam ko matl.a saaf huā

tab jā kar ik qaus-e-quzah par terā paikar ubhrā hai

tū ne jis kī jholī meñ do phuul bhī hans kar Daal diye

saarī umr vo kāġhaz par ḳhushbū kī lakīreñ khīñchtā hai

tum kyuuñ tez nokīle neze taan ke mujh par jhapTe ho

merā muqaddar tund bagūlo yuuñ bhī to bujh jaanā hai

maiñ ne apne gird banā lī zaḳhmoñ kī dīvār na.ī

ek purānā ġham lekin rah rah kar mujh par hañstā hai

jalte jalte maiñ bujh jā.ūñ yā tū agnī-rūp meñ aa

terā merā mel ho kaise maiñ sūraj tū saaya hai

sab kohsār samundar sahrā ghūmeñ us ke gird 'rashīd'

vo ik shaḳhs jo duniyā-bhar meñ tanhā tanhā rahtā hai

sahra sahra baat chali hai nagri nagri charcha hai

raat ke gham mein suraj sain baadal oDhe phirta hai

jhonka jhonka teri KHushbu mujh se lipaT kar guzri hai

reza reza teri KHatir main ne jism ganwaya hai

din-bhar baadal chham-chham barsa sham ko matla saf hua

tab ja kar ek qaus-e-quzah par tera paikar ubhra hai

tu ne jis ki jholi mein do phul bhi hans kar Dal diye

sari umr wo kaghaz par KHushbu ki lakiren khinchta hai

tum kyun tez nokile neze tan ke mujh par jhapTe ho

mera muqaddar tund bagulo yun bhi to bujh jaana hai

main ne apne gird bana li zaKHmon ki diwar nai

ek purana gham lekin rah rah kar mujh par hansta hai

jalte jalte main bujh jaun ya tu agni-rup mein aa

tera mera mel ho kaise main suraj tu saya hai

sab kohsar samundar sahra ghumen us ke gird 'rashid'

wo ek shaKHs jo duniya-bhar mein tanha tanha rahta hai