sahraon ki pyas bujhane

sahrāoñ kī pyaas bujhāne

kab aa.e barsāt na jaane

mujh ko merī yaad dilāne

aa.e haiñ kuchh dost purāne

jaane ghar kis kis ke jaleñge

nikle haiñ vo jashn manāne

ḳhvāboñ kī vaadī meñ mile haiñ

biite lamhe guzre zamāne

vaqt ke TuuTe ā.īne meñ

chehre haiñ sab jaane pahchāne

tum se mile to yaad aayā hai

dekhe the kuchh ḳhvāb suhāne

raat kī bāñhoñ meñ khulte haiñ

terī yādoñ ke maiḳhāne

ummīdeñ ghar chhoḌ chukī thiiñ

kab aa.e haiñ hosh Thikāne

dasht kī jaltī ret pe 'ḳhusrav'

vaqt likhegā apne fasāne

sahraon ki pyas bujhane

kab aae barsat na jaane

mujh ko meri yaad dilane

aae hain kuchh dost purane

jaane ghar kis kis ke jalenge

nikle hain wo jashn manane

KHwabon ki wadi mein mile hain

bite lamhe guzre zamane

waqt ke TuTe aaine mein

chehre hain sab jaane pahchane

tum se mile to yaad aaya hai

dekhe the kuchh KHwab suhane

raat ki banhon mein khulte hain

teri yaadon ke maiKHane

ummiden ghar chhoD chuki thin

kab aae hain hosh Thikane

dasht ki jalti ret pe 'KHusraw'

waqt likhega apne fasane