said ko rashk-e-chaman dam ne rahne na diya

said ko rashk-e-chaman daam ne rahne na diyā

naġhma-ḳhvāñ qiad-e-bad-anjām ne rahne na diyā

apne saa.e ke ta'āqub meñ rahe the din-bhar

vo bhī ab tīrgi-e-shām ne rahne na diyā

kuchh mire dil kā sukūñ nazr-e-ġham-e-yār huā

jo bachā gardish-e-ayyām ne rahne na diyā

maiñ ne kab kī haiñ kisī ġhair se dil kī bāteñ

raaz ko raaz dar-o-bām ne rahne na diyā

'umr-bhar chain se mujh ko kabhī ik lamha mire

us dil-e-tishna-e-lab-e-kām ne rahne na diyā

terī furqat meñ kisī taur bhī rah lete magar

ġhair ke saath tire naam ne rahne na diyā

jaañ se guzrīñ haiñ pa ġham hai to usī baat kā hai

mujh ko mere hī ḳhush-andām ne rahne na diyā

ḳhud tirā 'aks kahīñ tujh ko pareshāñ na kare

sach kā ā.īna tire sāmne rahne na diyā

ham-nafas us kā mujhe aur mujhe us kā 'haqīr'

dil meñ palte hue auhām ne rahne na diyā

said ko rashk-e-chaman dam ne rahne na diya

naghma-KHwan qiad-e-bad-anjam ne rahne na diya

apne sae ke ta'aqub mein rahe the din-bhar

wo bhi ab tirgi-e-sham ne rahne na diya

kuchh mere dil ka sukun nazr-e-gham-e-yar hua

jo bacha gardish-e-ayyam ne rahne na diya

main ne kab ki hain kisi ghair se dil ki baaten

raaz ko raaz dar-o-baam ne rahne na diya

'umr-bhar chain se mujh ko kabhi ek lamha mere

us dil-e-tishna-e-lab-e-kaam ne rahne na diya

teri furqat mein kisi taur bhi rah lete magar

ghair ke sath tere nam ne rahne na diya

jaan se guzrin hain pa gham hai to usi baat ka hai

mujh ko mere hi KHush-andam ne rahne na diya

KHud tera 'aks kahin tujh ko pareshan na kare

sach ka aaina tere samne rahne na diya

ham-nafas us ka mujhe aur mujhe us ka 'haqir'

dil mein palte hue auham ne rahne na diya