saint kar iman kuchh din aur rakhna hai abhi

saiñt kar īmān kuchh din aur rakhnā hai abhī

āj-kal bāzār meñ mandī hai sastā hai abhī

darmiyāñ jo fāsla rakkhā huā sā hai abhī

ik yahī us tak pahuñchne kā vasīla hai abhī

yuuñ hī sab mil baiThte haiñ sābeqūnal-avvalūn

dasht meñ jaarī hamārā aanā jaanā hai abhī

muskurānā ek fan hai aur maiñ nau-mashq huuñ

phir bhī kyā kam hai use bechain dekhā hai abhī

qumqumoñ kī raushnī meñ bhī nazar aatā hai chāñd

gaañv meñ merā purānā ik shanāsā hai abhī

jā-ba-jā bikhre paḌe haiñ saare aazā ḳhvāb ke

zer-e-mizhgāñ kis ne ye shab-ḳhūn maarā hai abhī

kyuuñ na ghaḌ leñ kuchh manāqib aur fazā.el habs ke

jab isī andhe kueñ meñ ham ko jiinā hai abhī

saint kar iman kuchh din aur rakhna hai abhi

aaj-kal bazar mein mandi hai sasta hai abhi

darmiyan jo fasla rakkha hua sa hai abhi

ek yahi us tak pahunchne ka wasila hai abhi

yun hi sab mil baiThte hain sabequnal-awwalun

dasht mein jari hamara aana jaana hai abhi

muskurana ek fan hai aur main nau-mashq hun

phir bhi kya kam hai use bechain dekha hai abhi

qumqumon ki raushni mein bhi nazar aata hai chand

ganw mein mera purana ek shanasa hai abhi

ja-ba-ja bikhre paDe hain sare aaza KHwab ke

zer-e-mizhgan kis ne ye shab-KHun mara hai abhi

kyun na ghaD len kuchh manaqib aur fazael habs ke

jab isi andhe kuen mein hum ko jina hai abhi