sair-e-bahaar-e-husn hi ankhiyon ka kaam jaan

sair-e-bahār-e-husn hī añkhiyoñ kā kaam jaan

dil kuuñ sharāb-e-shauq kā sāġhar mudām jaan

tarz-e-nigāh-e-ijz yahī arz-e-hāl hai

ai ramz-dāñ haman ke añkhiyoñ kā kalām jaan

rusvā kareñge tujh kuuñ jagat meñ nihāl-e-ashk

añjhuvāñ kuuñ dasht aur saf-e-mizhgāñ ko shaam jaan

terī galī meñ diida o dil farsh-e-rāh haiñ

āhista Tuk qadam kuuñ rakh ai ḳhush-ḳhirām jaan

vahdat meñ be-ḳhudī kā ibādat huā hai naam

mai-ḳhāne kuuñ adab setī bait-ul-harām jaan

teġh-e-ajal suuñ kis kā salāmat rahā hai jiiv

shoḳhī siiñ jab nigāh kareñ qatl-e-ām jaan

us kuuñ sharaf hai jis kī kareñ bandagī qubūl

jo 'ābrū' talab haiñ so apnā ġhulām jaan

sair-e-bahaar-e-husn hi ankhiyon ka kaam jaan

dil kun sharab-e-shauq ka saghar mudam jaan

tarz-e-nigah-e-ijz yahi arz-e-haal hai

ai ramz-dan haman ke ankhiyon ka kalam jaan

ruswa karenge tujh kun jagat mein nihaal-e-ashk

anjhuwan kun dasht aur saf-e-mizhgan ko sham jaan

teri gali mein dida o dil farsh-e-rah hain

aahista Tuk qadam kun rakh ai KHush-KHiram jaan

wahdat mein be-KHudi ka ibaadat hua hai nam

mai-KHane kun adab seti bait-ul-haram jaan

tegh-e-ajal sun kis ka salamat raha hai jiw

shoKHi sin jab nigah karen qatl-e-am jaan

us kun sharaf hai jis ki karen bandagi qubul

jo 'abru' talab hain so apna ghulam jaan