sairab aab-e-ju se qadah aur qadah se hum

sairāb āb-e-jū se qadah aur qadah se ham

sar-ḳhush guloñ kī bū se qadah aur qadah se ham

mukhḌe pe hai gulāl jo us mast-e-nāz ke

rañgīñ hai aks-e-rū se qadah aur qadah se ham

pīr-e-muġhāñ karam hai jo sairāb ho sake

tere nam-e-vazū se qadah aur qadah se ham

bazm-e-sharāb raqs kī majlis se kam nahīñ

nāche hai parmalū se qadah aur qadah se ham

halqe nahīñ ye zulf meñ saaqī kī balki hai

vābasta mū-ba-mū se qadah aur qadah se ham

hurmat likhī sharāb kī yaañ tak ki khiñch rahā

zāhid kī guftugū se qadah aur qadah se ham

shīsha jo phuuT jaa.e to phūTe vale na ho

yā-rab judā subū se qadah aur qadah se ham

vo tafraqa paḌā ki bahut duur rah gayā

dast-e-piyāla-jū se qadah aur qadah se ham

ai 'mus.hafī' hameñ to gavārā nahīñ ye niish

nosh us ke lab se chūse qadah aur qadah se ham

sairab aab-e-ju se qadah aur qadah se hum

sar-KHush gulon ki bu se qadah aur qadah se hum

mukhDe pe hai gulal jo us mast-e-naz ke

rangin hai aks-e-ru se qadah aur qadah se hum

pir-e-mughan karam hai jo sairab ho sake

tere nam-e-wazu se qadah aur qadah se hum

bazm-e-sharab raqs ki majlis se kam nahin

nache hai parmalu se qadah aur qadah se hum

halqe nahin ye zulf mein saqi ki balki hai

wabasta mu-ba-mu se qadah aur qadah se hum

hurmat likhi sharab ki yan tak ki khinch raha

zahid ki guftugu se qadah aur qadah se hum

shisha jo phuT jae to phuTe wale na ho

ya-rab juda subu se qadah aur qadah se hum

wo tafraqa paDa ki bahut dur rah gaya

dast-e-piyala-ju se qadah aur qadah se hum

ai 'mushafi' hamein to gawara nahin ye nish

nosh us ke lab se chuse qadah aur qadah se hum