saja ke zehn mein kitne hi KHwab soe the

sajā ke zehn meñ kitne hī ḳhvāb so.e the

khulī jo aañkh to ḳhud se lipaT ke ro.e the

chahār samt bas ik be-karāñ samundar hai

batā.eñ kyā ki safīne kahāñ Dubo.e the

tahoñ meñ ret ubaltī hai kyā patā thā hameñ

zamīñ samajh ke zamīnoñ meñ biij bo.e the

siyāh raat meñ bachche kī tarah chauñk paḌe

tamām din jo ujāloñ se lag ke so.e the

ajiib baat hamārā hī ḳhuuñ huā paanī

hamīñ ne aag meñ apne badan bhigo.e the

hamāre haath se vo bhī nikal gayā āḳhir

ki jis ḳhayāl meñ ham muddatoñ se kho.e the

saja ke zehn mein kitne hi KHwab soe the

khuli jo aankh to KHud se lipaT ke roe the

chahaar samt bas ek be-karan samundar hai

bataen kya ki safine kahan Duboe the

tahon mein ret ubalti hai kya pata tha hamein

zamin samajh ke zaminon mein bij boe the

siyah raat mein bachche ki tarah chaunk paDe

tamam din jo ujalon se lag ke soe the

ajib baat hamara hi KHun hua pani

hamin ne aag mein apne badan bhigoe the

hamare hath se wo bhi nikal gaya aaKHir

ki jis KHayal mein hum muddaton se khoe the