sajaen mahfil-e-yaran na shaghl-e-jam karen

sajā.eñ mahfil-e-yārāñ na shaġhl-e-jām kareñ

to aur kaise tire ġham kā ehtirām kareñ

kise bulā.eñ chanāroñ meñ aadhī raat ga.e

agar kareñ to kise sub.h kā salām kareñ

basā.eñ qāf-e-tasavvur meñ ik parī-vash ko

kuchh aaj ishrat-e-hijrāñ kā ehtimām kareñ

julūs-e-shola-ruḳhāñ kis taraf ko guzregā

koī batā.e kahāñ ahl-e-dil qayām kareñ

chalo ki ḳhema-e-mahbūb koī duur nahīñ

uTho ki aaj kī shab meñ junūñ kā naam kareñ

hamāre jaam meñ mai bhī hai ḳhūn-e-dil bhī hai

ye dekhnā hai ḳhudā vaale kyā harām kareñ

sajaen mahfil-e-yaran na shaghl-e-jam karen

to aur kaise tere gham ka ehtiram karen

kise bulaen chanaron mein aadhi raat gae

agar karen to kise subh ka salam karen

basaen qaf-e-tasawwur mein ek pari-wash ko

kuchh aaj ishrat-e-hijran ka ehtimam karen

julus-e-shola-ruKHan kis taraf ko guzrega

koi batae kahan ahl-e-dil qayam karen

chalo ki KHema-e-mahbub koi dur nahin

uTho ki aaj ki shab mein junun ka nam karen

hamare jam mein mai bhi hai KHun-e-dil bhi hai

ye dekhna hai KHuda wale kya haram karen